Qoraqalpogʻiston gʻallakorlari davlatga gʻalla topshirish rejasini bajardi
Oʻzbekiston Respublikasi Vazirlar Mahkamasining 2019-yil 23-maydagi «2019-yil hosili uchun ekilgan boshoqli don ekinlarini oʻz vaqtida nest-nobud qilmasdan oʻrib-yigʻib olish chora-tadbirlari toʻgʻrisida»gi bayonnomasida belgilangan vazifalarni bajarish maqsadida oʻrim ishlarida 190 ta yuqori unumdor kombayn biriktirilib, har biri otryad uslubida ish olib borildi. Shuning natijasida bugungi kunga 49 ming gektar maydondagi gʻalla oʻrib olindi. Hosildorlik gektariga 54-55 sentnerdan toʻgʻri keldi. Shundan davlatga 105 ming tonna don topshirilib, reja 103 foizga bajarildi.
Bugungi kungacha Beruniy, Amudaryo, Toʻrtkoʻl, Ellikqalʼa, Taxiatosh, Xoʻjayli va Nukus tumanlari davlatga gʻalla topshirish rejalarini bajarib, yuqori koʻrsatkichga erishdi.
Amudaryo tumanidagi «Xilola Radjapova», Ellikqalʼa tumanidagi «Burgutqalʼa saodati», Toʻrtkoʻl tumanidagi «Obod Toʻrtkoʻl», Beruniy tumanidagi «Oʻrazboyev Mansur», Taxiatosh tumanidagi «Tureyev Sultamuratbiy», Nukus tumanidagi «Iqlas Oʻrinboy» fermer xoʻjaliklari hosildorlikni 70-80 sentnerga yetkazdi.
Ayni paytda gʻalla dalalarida oʻrim ishlari davom etmoqda.
OʻzA
Бошка Mamlakat yangiliklari
- Xususiylashtirish dasturi bo‘yicha axborot berildi
- O‘zbekiston xalqiga Ramazon hayiti tabrigi
- Muborak Ramazon hayitini nishonlash to‘g‘risida
- Yangi Toshkent qurilishi ma’rifat maskanlaridan boshlanadi
- “Yashil makon” loyihasi va obodonchilik bo‘yicha vazifalar belgilandi
- Prezident iftorlikda ishtirok etdi