Asosiy menu

Mamlakat yangiliklari

1941-1945-yillardagi urush qatnashchilarini rag‘batlantirish to‘g‘risida

1941-1945-yillardagi urush qatnashchilarini rag‘batlantirish to‘g‘risida

O‘zbekiston Respublikasi Prezidentining farmoni 9-may umumxalq bayrami – Xotira va qadrlash kuni o‘tkazilishi, shuningdek, 1941-1945-yillardagi Ikkinchi jahon urushida fashizm ustidan qozonilgan G‘alabaning 70-yilligi nishonlanishi munosabati bilan hamda urush qatnashchilari va nogironlarini moddiy rag‘batlantirish maqsadida: 1. 1941-1945-yillardagi Ikkinchi jahon urushi qatnashchilari va nogironlariga 700 000 (etti yuz ming) so‘m miqdorida bir martalik pul mukofoti belgilansin. 2. Mazkur Farmonni bajarish bilan bog‘liq sarf-xarajatlar respublika byudjeti mablag‘lari hisobidan amalga oshirilsin. 3. O‘zbekiston Respublikasi Mudofaa vazirligi, Ichki ishlar vazirligi, Milliy xavfsizlik xizmati, Mehnat va aholini ijtimoiy muhofaza qilish vazirligi Moliya vazirligi va O‘zbekiston Respublikasi Markaziy banki bilan birgalikda 1941-1945-yillardagi Ikkinchi jahon urushi qatnashchilari va nogironlariga ushbu pul mukofotining tantanali va bayramona vaziyatda topshirilishini ta’minlasin.

Xalqaro ko‘rgazmalar ish boshladi

Xalqaro ko‘rgazmalar ish boshladi

Poytaxtimizdagi “O‘zekspomarkaz”da “Qurilish – UzBuild – 2015”, “Mebel, ishlab chiqarish texnologiyalari, interer va dizayn – MebelExpo Uzbekistan – 2015” va “Isitish, ventilatsiya, sovutish tizimlari, suv ta’minoti, santexnika va basseynlar – Aqua-Therm Tashkent – 2015” xalqaro ko‘rgazmalari ochildi. Tadbirlar O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Savdo-sanoat palatasi, Davlat arxitektura va qurilish qo‘mitasi, “O‘zqurilishmateriallari” aksiyadorlik kompaniyasi, “O‘zkommunxizmat” agentligi, “ITE Uzbekistan” xalqaro ko‘rgazma kompaniyasi va boshqa tashkilotlar hamkorligida tashkil etildi. Ko‘rgazmalarning ochilish marosimida qurilish va mebelsozlik iqtisodiyotimizning istiqbolli va jadal rivojlanayotgan tarmoqlari ekani ta’kidlandi. Mamlakatimizda yangi sanoat obyektlari, turar joylar, ta’lim va tibbiyot muassasalari, yo‘l va ko‘priklar, ijtimoiy infratuzilma obyektlari bunyod etilmoqda, mavjudlari rekonstruksiya qilinmoqda. 2014-yilning shu davriga nisbatan qurilish materiallari ishlab chiqarish hajmi 113 foizni tashkil etgani ham mamlakatimizda mazkur tarmoq taraqqiy etib borayotganini ko‘rsatadi. Ayni paytda yurtimizga jalb etilayotgan investitsiyalarning 70 foizdan ortig‘i qurilish materiallari sanoatiga yo‘naltirilmoqda.

“Turkiston” saroyida O‘zbekiston xalq shoiri Zulfiya tavalludining 100-yillik yubileyiga bag‘ishlangan tantanali tadbir bo‘lib o‘tdi

“Turkiston” saroyida O‘zbekiston xalq shoiri Zulfiya tavalludining 100-yillik yubileyiga bag‘ishlangan tantanali tadbir bo‘lib o‘tdi

Xalqimizning suyukli shoirasi Zulfiyaning bahor nafasi, tabiatga, hayotga muhabbat g‘oyalari bilan limmo-lim to‘la ijodi qalblarga samimiyat bag‘ishlaydi. Uning she’rlari ona-tabiatga, shu tabarruk tuproqqa, uning mehnatsevar, fidoyi insonlariga, munis opa-singillarimizga chuqur ehtiromga yo‘g‘rilgani bilan g‘oyat qadrlidir. Davlatimiz rahbarining qarori bilan ardoqli shoiraning 100-yillik tavallud ayyomi keng nishonlangani o‘sib kelayotgan yosh avlod ma’naviyatini yuksaltirish, ular qalbida vatanparvarlik, ibratli an’analarga hurmat va ehtirom, milliy adabiyotimizga bo‘lgan mehr va ishtiyoqini tobora kuchaytirishdek ezgu maqsadlarga xizmat qilmoqda. “Turkiston” saroyida 27-fevral kuni O‘zbekiston xalq shoiri Zulfiya tavalludining 100-yilligiga bag‘ishlangan tantanali adabiy-badiiy kecha bo‘lib o‘tdi.

O‘zbekiston Respublikasi fuqarolari – 1941-1945-yillardagi urush va mehnat fronti faxriylarini “Ikkinchi jahon urushidagi G‘alabaning 70-yilligi” esdalik yubiley medali bilan mukofotlash to‘g‘risida

O‘zbekiston Respublikasi fuqarolari – 1941-1945-yillardagi urush va mehnat fronti faxriylarini “Ikkinchi jahon urushidagi G‘alabaning 70-yilligi” esdalik yubiley medali bilan mukofotlash to‘g‘risida

O'zbekiston Respublikasi Prezidentining farmoni 2015-yil 9-mayda umumxalq bayrami – Xotira va qadrlash kuni o'tkazilishi, shuningdek, Ikkinchi jahon urushida fashizm ustidan qozonilgan G'alabaning 70-yilligi bayram qilinishi munosabati bilan fashizm ustidan qozonilgan G'alabaga bebaho hissa qo'shgan O'zbekiston fuqarolari – 1941-1945-yillardagi urush va mehnat fronti faxriylarini munosib ravishda va izzat-ikrom bilan sharaflash maqsadida: 1. 1941-1945-yillardagi Ikkinchi jahon urushida fashizm ustidan qozonilgan G'alabaning 70-yilligi sharafiga "Ikkinchi jahon urushidagi G'alabaning 70-yilligi" esdalik yubiley medali ta'sis etilsin.

Sog‘lom bola – jamiyat ko‘rki, mamlakat tayanchi

Sog‘lom bola – jamiyat ko‘rki, mamlakat tayanchi

Prezidentimiz Islom Karimov raisligida 24-fevral kuni Oqsaroyda O‘zbekiston Bolalar sportini rivojlantirish jamg‘armasi Homiylik kengashining navbatdagi yig‘ilishi bo‘lib o‘tdi Davlatimiz rahbari o‘tgan yili Jamg‘arma tomonidan amalga oshirilgan ishlar, uning faoliyatini yanada takomillashtirish masalalari xususida atroflicha fikr yuritdi. – Bolalar sportini rivojlantirish, shu orqali ularni sog‘lom va barkamol etib tarbiyalashga qaratilgan bu tizimning yo‘lga qo‘yilgani har jihatdan to‘g‘ri bo‘lganini bugun hayotning o‘zi tasdiqlab turibdi, – dedi Prezidentimiz. – Sport odamlarning oilasiga, ongiga kirdi, turmush tarziga aylandi. Ota-onalar o‘zlari bolalarini sport to‘garaklariga yetaklab kelmoqda. Sport bilan shug‘ullangan o‘g‘il-qizlarimiz sog‘lom, baquvvat va qat’iyatli bo‘lib ulg‘aymoqda, ularning dunyoqarashi o‘zgarmoqda. Bir so‘z bilan aytganda, xalqimiz bu borada ham uyg‘ondi.

“Keksalarni e’zozlash yili” davlat dasturi to‘g‘risida

“Keksalarni e’zozlash yili” davlat dasturi to‘g‘risida

O‘zbekiston Respublikasi Prezidentining qarori Keksalarning hayot darajasi va sifatini yanada yaxshilash, ularni moddiy va ma’naviy qo‘llab-quvvatlash ko‘lamini kengaytirish, yoshi ulug‘ insonlar, ayniqsa, 1941-1945-yillardagi urush va mehnat fronti faxriylariga ijtimoiy, pensiya ta’minoti va tibbiy xizmat ko‘rsatishni takomillashtirish, oila va jamiyatda, yoshlarni o‘zbek xalqining ko‘p asrlik qadriyat va an’analari ruhida tarbiyalashda keksalarning o‘rnini mustahkamlash maqsadida, shuningdek, 2015-yilning “Keksalarni e’zozlash yili” deb e’lon qilinishi munosabati bilan: 1. "Keksalarni e’zozlash yili" Davlat dasturini amalga oshirishning ustuvor vazifa va yo‘nalishlari etib quyidagilar belgilansin:

Alisher Navoiy nomidagi O‘zbekiston Milliy bog‘ida shoir tavalludining 574-yilligiga bag‘ishlangan tadbir bo‘lib o‘tdi

Alisher Navoiy nomidagi O‘zbekiston Milliy bog‘ida shoir tavalludining 574-yilligiga bag‘ishlangan tadbir bo‘lib o‘tdi

Xalqimiz, ayniqsa, navqiron avlod ma’naviyatini yuksaltirish, ona tilimizni ko‘z qorachig‘idek asrab-avaylash, unga hurmat bilan munosabatda bo‘lishda Alisher Navoiy ma’naviy merosining o‘rni beqiyos. Shu bois mamlakatimizda ulug‘ bobokalonimizga ehtirom ko‘rsatish, yoshlarimizni barkamol insonlar etib voyaga yetkazishda asarlaridan keng foydalanish masalasiga ustuvor ahamiyat qaratilmoqda. An’anaga ko‘ra, 9-fevral kuni Alisher Navoiy nomidagi O‘zbekiston Milliy bog‘ida shoir tavalludining 574-yilligiga bag‘ishlangan tadbir bo‘lib o‘tdi.

O‘zbekiston Respublikasi Axborot texnologiyalari va kommunikatsiyalarini rivojlantirish vazirligini tashkil etish to‘g‘risida

O‘zbekiston Respublikasi Axborot texnologiyalari va kommunikatsiyalarini rivojlantirish vazirligini tashkil etish to‘g‘risida

O‘zbekiston Respublikasi Prezidentining farmoni Davlat boshqaruvi tizimini yanada takomillashtirish, mamlakat iqtisodiyoti tarmoqlari va sohalarida zamonaviy axborot texnologiyalari va kommunikatsiyalarini, “elektron hukumat” tizimi hamda axborot tizimlarini jadal tatbiq etish, telekommunikatsiya infratuzilmasini va ma’lumotlarni uzatish tarmoqlarini modernizatsiya qilish maqsadida: 1. O‘zbekiston Respublikasi aloqa, axborotlashtirish va telekommunikatsiya texnologiyalari davlat qo‘mitasi negizida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tashkil qilinsin.

O’zbekiston Respublikasi Vazirlar Mahkamasining yaqin muddatga va uzoq istiqbolga mo’ljallangan Harakat dasturi

O’zbekiston Respublikasi Vazirlar Mahkamasining yaqin muddatga va uzoq istiqbolga mo’ljallangan Harakat dasturi

2015 yilning 23 yanvarida O’zbekiston Respublikasi Oliy Majlisi Qonunchilik palatasi va Senatining qo’shma majlisida O’zbekiston Respublikasi Vazirlar Mahkamasining yaqin muddatga va uzoq istiqbolga mo’ljallangan Harakat dasturi taqdim etildi. Joriy yil 16 yanvarda o’tkazilgan 2014 yilda respublikani ijtimoiy-iqtisodiy rivojlantirish yakunlari va 2015 yilga mo’ljallangan iqtisodiy dasturning eng muhim ustuvor vazifalari bo’yicha Vazirlar Mahkamasi majlisida O’zbekiston Respublikasi Prezidenti Islom Abdug’anievich Karimov tomonidan 2015 yilda va keyingi yillarda mamlakatimizni har tomonlama rivojlantirishning strategik vazifalari belgilab berildi. Yangi tarkibdagi Hukumatning asosiy e’tibori qaratilishi lozim bo’lgan vazifalarning mazmun mohiyati va ularni amalga oshirish mexanizmlari chuqur ochib berildi. Jumladan, quyidagi eng muhim va dolzarb vazifalarga alohida ahamiyat qaratildi.