Asosiy menu

"O`zdonmahsulot" AK yangiliklari

“Omadli paxtakor dalasi”da ish qizg‘in

“Omadli paxtakor dalasi”da ish qizg‘in

Andijon tumanidagi “Omadli paxtakor dalasi” fermer xo‘jaligi viloyatda birinchilar qatorida g‘alla bo‘yicha shartnoma majburiyatini bajardi. O‘tgan yili faoliyat boshlagan xo‘jalik 40 gektar umumiy yer maydoniga ega. 18 gektarli g‘allazorda barcha agrotexnik tadbirlar asosida parvarishlangan bug‘doydan barkali hosil olindi. Xo‘jalik mirishkorlari g‘o‘za parvarishini ham uyushqoqlik bilan olib bormoqda.

Hosil mo‘l, daromad zo‘r bo‘ladi

Hosil mo‘l, daromad zo‘r bo‘ladi

Surxondaryo viloyatida yetishtirilgan g‘allani qisqa muddatlarda o‘rib-yig‘ib olish, ekindan bo‘shagan maydonlarni sifatli shudgorlash va keyingi hosilga tayyorlash ishlari qizg‘in davom etmoqda. Joriy yilda viloyat g‘allakorlari 98 ming gektar maydonda mahalliy iqlimga mos “Krasnodar-99”, “Polovchanka”, “Tanya”, “Kroshka” kabi ertapishar va serhosil boshoqli don ekinlarini parvarishlab, mo‘l hosil to‘pladi. Prezidentimiz rahnamoligida agrar sohada amalga oshirilayotgan izchil islohotlar fermerlik harakatini rivojlantirib, qishloq xo‘jaligini serdaromad sohaga aylantirdi. Bahor injiq kelgan joriy yilda viloyat fermerlari g‘allani ilg‘or agrotexnik usullar asosida parvarishlab, mo‘l hosil to‘plagani bunga yaqqol misol. Ayni paytda yetishtirilgan hosilni tez va sifatli o‘rib-yig‘ib olish, g‘alladan bo‘shagan maydonlarni somondan tozalash, shudgorlash, somon yoqilishining oldini olish bo‘yicha olib borilayotgan targ‘ibot-tashviqot ishlari samaradorligini ta’minlashga alohida e’tibor qaratilmoqda. Viloyat qishloq va suv xo‘jaligi boshqarmasidan ma’lum qilishlaricha, o‘rim-yig‘imni uyushqoqlik bilan tez kunlarda yakunlash uchun 141 otryad tashkil etilib, ularga malakali mutaxassislar biriktirilgan. O‘rim kombaynlari, g‘alla tashiydigan mashina va boshqa texnika vositalari mavsumga puxta hozirlanib, yetarli miqdorda ehtiyot qismlar zaxirasi yaratilgan. O‘rim-yig‘im uchun 302 yuqori unumli zamonaviy kombayn jalb etilgan. Mavsumga tayyorgarlik ko‘rish jarayonida viloyat tabiatni muhofaza qilish qo‘mitasi va viloyat IIB Yong‘in xavfsizligi boshqarmasi xodimlari hosildan bo‘shagan dalalarni somondan tozalashning ahamiyati, somonni yoqib yuborishning salbiy oqibatlari haqida targ‘ibot-tushuntirish ishlari olib bordi. Don qabul qilish shoxobchalari, korxonalar va aholi gavjum joylarga g‘alla maydonlarida somonni yoqib yuborish hamda don mahsulotlarini tashish jarayonida yong‘inning oldini olishga qaratilgan panno va plakatlar o‘rnatildi.

G‘ALLAKORLAR SHAYLANMOQDA

G‘ALLAKORLAR SHAYLANMOQDA

Oxirgi yillarda elni sifatli don va un bilan ta'minlash dehqonlarimiz zimmasiga ulkan mas'uliyat yuklamoqda. Shu bois, har yili unumdor va serhosil sug‘oriladigan maydonlarda g‘allaning tezpishar va serhosil navlari urug‘i ekilib, yuksak agrotexnika talablari asosida parvarishlanayapti. O‘tgan yilning kuzida ham dehqonlarimiz 98 ming gektar sug‘oriladigan maydonlarda “Kroshka“, “Krasnodar-98“, “Ummanka“ kabi bug‘doyning serhosil navlari urug‘ini ekishgandi. Tadbirkorlik bilan ish yuritgan dehqonlarimiz g‘allazorlarda mo‘l hosil to‘planishiga erishdilar. Dehqon mehri, quyosh qatidan bahra olayotgan boshoqlar peshma-pesh donga to‘layapti. G‘allakorlar parvarishni susaytirmagan holda o‘rim-yig‘im mavsumiga ham puxta hozirlik ko‘rishayapti. Ayni paytda MTP va MMTPlardagi, shuningdek, peshqadam fermer xo‘jaliklari tasarrufidagi “Keys“ hamda “Klass“ kombaynlari sifatli ta'mirlanib, ishga soz holga keltirildi. “Surxondaryodonmahsulotlari“ va “SHo‘rchidonmahsulotlari“ aksionerlik jamiyatlari hamda tumanlardagi don tayyorlash idoralari don qabul qilishga har tomonlama puxta hozirlik ko‘rildi.

Unumdorlik oshdi

Unumdorlik oshdi

“Sho‘rchidonmahsulotlari” aksiyadorlik jamiyatida bankning 7 milliard 545 million so‘mlik krediti hisobidan keng ko‘lamli modernizatsiyalash tadbirlari amalga oshirildi. Pirovardida bu yerda ishlab chiqarilayotgan un va un mahsulotlari sifati tubdan yaxshilandi. — Korxonamiz quvvati deyarli 45 foiz ortib, kuniga 600 tonnagacha bug‘doyni qayta ishlash yo‘lga qo‘yildi, — deydi jamiyat boshqaruvi raisi o‘rinbosari Bekmirza Xo‘jamqulov. — Yangi dastgohlarning yana bir afzalligi, ularda energiya sarfi juda kam, samaradorlik esa yuqori. E'tiborlisi, ushbu uskunalarni boshqarish ham oson.

Respublika don qabul qilish shaxobchalari mavsumga tayyor

Respublika don qabul qilish shaxobchalari mavsumga tayyor

Joriy yilda davlat resursiga g‘alla qabul qilish tizimining jami 195 ta don qabul qilish maskanlari, shu jumladan 40 ta bosh korxona, 26 ta filial va 129 ta mavsumiy shaxobchalar tomonidan amalga oshiriladi. Tizim korxonalari 2015 yil hosilini qabul qilish uchun shay xolatga keltirildi. Korxonalar va don qabul qilish maskanlaridagi mavjud 193 ta laboratoriyalar, 311 ta avtomobil va temir yo‘l tarozilari davlat nazoratidan o‘tkazildi.

“Lazzat non”ning xushta’m nonlari

“Lazzat non”ning xushta’m nonlari

Xorazm viloyatining Urganch shahridagi “Lazzat non” mas’uliyati cheklangan jamiyatida tayyorlanayotgan non va non mahsulotlari sifati va xushta’mligi bilan aholiga manzur bo‘lmoqda. Prezidentimiz rahnamoligida kichik biznes va xususiy tadbirkorlik subyektlarini qo‘llab-quvvatlash, ularning samarali faoliyat yuritishi uchun qulay sharoit va imkoniyatlar yaratish hamda aholi bandligini ta’minlashga alohida e’tibor qaratilmoqda. Zamonaviy texnologiyalar bilan jihozlangan korxonada kuniga 1,5 tonna un qayta ishlanib, o‘n turdagi non va non mahsulotlari tayyorlanmoqda. – Mamlakatimizda amalga oshirilayotgan keng ko‘lamli islohotlar samarasida shaharu qishloqlarimiz qiyofasi tubdan o‘zgarib, aholi farovonligi tobora yuksalib borayotir, – deydi korxona rahbari Munisbek Shomurotov. – Asosan yoshlar mehnat qilayotgan korxonamiz mahsulotlarining bir qismi tegishli korxona va ijtimoiy muassasalarga yetkazib berilayotgan bo‘lsa, qolgani bozorda sotilmoqda. Korxonada kelgusida mahsulot turini ko‘paytirish va qandolatchilikni yo‘lga qo‘yish rejalashtirilmoqda.

Mavsumga puxta tayyorgarlik ko‘rilmoqda

Mavsumga puxta tayyorgarlik ko‘rilmoqda

Navoiy viloyatida g‘alla o‘rim-yig‘imini uyushqoqlik bilan o‘tkazishga alohida e'tibor qaratilmoqda. Texnika vositalari – kombaynlar, traktor va tirkamalar, shuningdek, g‘alla qabul qilish shoxobchalari mavsumga tayyor holga keltirildi. Joylarda ko‘rgazmali-taktik o‘quv mashqlari o‘tkazildi. Yong‘in xavfsizligini ta'minlash bo‘yicha qat'iy choralar ko‘rildi. – Viloyatda 1 ming 143 fermer xo‘jaligi g‘alla yetishtirishga ixtisoslashgan bo‘lib, joriy yilda ular 100 ming tonnaga yaqin sara don topshirishni rejalashtirgan, – deydi Navoiy viloyati qishloq va suv xo‘jaligi boshqarmasi dehqonchilik bo‘limi boshlig‘i Farrux Hamroyev. – 43 ming 400 gektar maydonda parvarishlanayotgan “Asr”, “Nota”, “Grom” va “Andijon-2” bug‘doy navlari hosilini nest-nobud qilmasdan yig‘ib-terib olishga barcha kuch safarbar etilgan. Ayni paytda fermerlar hosildorlikni ko‘paytirish maqsadida agrotexnik tadbirlarni o‘z vaqtida bajarmoqda.

2015 yilning birinchi choragi yakunlariga bag‘ishlangan majlis bo‘lib o‘tdi.

2015 yilning birinchi choragi yakunlariga bag‘ishlangan majlis bo‘lib o‘tdi.

2015 yil 2 mayda “O‘zdonmahsulot” aksiyadorlik kompaniyasida 2015 yilning birinchi choragi yakunlariga bag‘ishlab o‘tkazilgan majlis bo‘lib o‘tdi. Majlisda boshqarma va bo‘lim boshliqlari, tarkibdagi korxonalar rahbarlari, bosh muhandislari, laboratoriya mudirlari hamda bosh hisobchilar qatnashdi. Majlis kun tartibida “O‘zdonmahsulot” AK tarkibidagi korxonalarda 2015 yilning birinchi choragi yakunlari hamda birinchi yarim yillikda sohada amalga oshiriladigan eng muhim ustuvor vazifalar to‘g‘risidagi masala muhokama qilindi. Majlisda Vazirlar Mahkamasining “Joriy yilning birinchi choragida respublikani ijtimoiy-iqtisodiy rivojlantirish yakunlari va 2015 yilgi iqtisodiy dasturning eng muhim yo‘nalishlari va ustuvor vazifalari amalga oshirilishini baholash to‘g‘risida”gi 2015 yil 24 apredagi 2-sonli bayoni va Qishloq va suv xo‘jaligi, qishloq xo‘jaligi mahsulotlarini qayta ishlash hamda iste'mol tovarlari masalalari kompleksining 2015 yil birinchi chorak yakunlari bo‘yicha o‘tkazilgan majlis bayoni qarorlari ijro bo'yicha tegilshi qarorlar qabul qilindi. Hamda tarkibdagi korxonalar rahbarlari va mas'ul xodimlari zimmalariga aniq vazifalar belgilab berildi.